جنى طالع لبدووون

****
جني طالع لبدون

: شبيك لبيك عبدك بين اديك ...
::: يمة , خرعتني ياخي , ماتقدر تطلعلى بهداوة لازم هالفلم يعني , درينا انك جني لازم يعني هالخرعه ...
: اسف يا مولاي
::: زين اخلص شنو عندك ؟
: مشكل - حلوم - مسحب - لبنة - لبنة بزعتر .....
::: صبر صبر شنو داش مطعم انا , اقصد شنو عندك شتقدر تسويلي .. بشنو تقدر تفيدني
: ها ها ها , يامولاى اطلب وتمنى كل طلباتك واوامرك مجابة
::: كلها كلها ؟؟ يعني اي شي بطلبة بتنفذة لى
: نعم يامولاى
::: هيــــــــــــــــــااااا , زين ابي جنسية
: ليش احد قالك انى الفضـالة ؟ باجر بيسون اللجنة الوزارية وبيــشوونك شويــ اقصد بيعطونك الجنسية لاتخاف !! اطلب اطلب شي ثاني اقدر عليه .. سالفة تجنيس ماتجنيس ماقدر عليها ومابيدي شي افيدك فيه .. تدري بعد الربع خلوها بمرسوم اميري واحنا مانقدر نتعدى سلطات الامير الله يطول عمرة
::: افا .. زين امري لله عيل ابي فلوس ابي مليون دينار .
: بجيبك عشرين دينار؟
::: لا والله بس اقدر ادبر مافي مشكلة , ليش؟
: روح اشترك بجريدة الراي سحبهم الياي يوم 10-1-2011 وان شاء الله تفوز ولا اقولك روح اشترك بسحب الدانة مال بنك الخليج والله كريم . ربك اذا يبيك تفوز بتفوز وبتحصل المليون غصب طيب. ولا شنو انت مو مؤمن بالله وقدرتة
::: لا عمي مؤمن
: ها شلون عيل
::: امري لله عيل بطلب طلب ثاني , ابي بيت ملك والله ياعمي الجني تاذينا من الايجار اللى اطلعه باليمين يروح للايجار باليسار , فأبي بيت مجكنم جذي بالشامية او بكيفان او بــ .....
: اسكيــــــــــــــــــــــــــــت ولاتكمل ياااااااااااااااااوقح , الشامية او كيفان شنو بتحط راسك بروس الكبارية وعيال بطنها , تبي اشق بطنك اللحين ياشنكوح . صج اللى اختشوا ماتوا , وعينة قوية يبي بالشامية بعد ... اقول اطلب طلب ثاني ولاتيبلي سيرة بيت مابيت ولا حتى غرفة جينكو فوق السطح على سالفتك هذى.
: زين زين لاتعصب ماقصدت شي. والهل ماقصدت شي. خلاص خلاص. بطلب طلب ثاني خلاص ... زين ابي كورفت اليديد ياخي طايح بنفسي والله .
::: وليش سيارتك شفيها ؟ شنو انت مبذر انت مبذر , سيارتك شحلاتها وشزينها جنها البخت ...
: اى بس موديل 2003
::: و 2003 احمد ربك غيرك مو لاقين زيزو يركبونها , احمد ربك ولاتبطر .. ان المبذرين كانوا اخوان الشياطين .. وانا صراحة مايشرفني انك تكون اخوي
: افاا !!
::: لا افاا ولا كفاا , خلصني وراى ديوانية بروح امر الربع مسوين دورة بلايستيشن والخاسر يعزم الحضور .يالله يمديني الحق عليهم .. خلصني اطلب بسرعه لايطوفنا العشى بسبتك ...
: اوكي خلاص بطلب .. ياربي والله احترت شطلب ..لقيــــــتها , خلاص ابي اصير دكتور
::: دكتور !! وتبي دكتور اسنان يعيوني ولا دكتور جراحة مخ واعصاب ؟
: ممم لا ابي مخ واعصاب .
::: اقول اضبط حالك تبي تصير دكتور اتعب وادرس واجتهد . شنو فاضيلك انا اخليك دكتور تبي تصير دكتور بيوم وليلة , اتعب وانت تصير . لو اقدر اسويك دكتور جان سويت نفسي دكتور وبطلت هالشغلة وكل يوم طالع لبني ادم مشيبني بطلباتة .. جان والله اللحين فاتحلى عيادة اسنان وصاك على عيادة الميدان فيها اطلب اطلب شي ثاني معقول, اقولك مستعيل خلصني
: لاحول ولاقوة الا بالله ففففففف
::: شنو تأفف مني ؟؟؟ تأأأأفف مني ولـك
: لا عمي لا مو منك ... خلاص بطلب بطلب عرفت , ابي تذكرة لاسبانيا .. ياخي نفسي نفسي احضر مباراة برشلونة وريال مدريد لايف بالاستاد .
::: اوكي من عيوني افرض عطيتك التذكرة .. شنو انت ناسي ان جوازك منتهي ؟ بتروح عليك
: اى والله صج . نسيت .. خلاص ابيك تجددلى جوازي
::: شنو فيصل النواف انا .. ياخي امرك غريب انت اول بني ادم اطلعله يعذبني جذي .. اقول غير غير اطلب شي ثاني
: يبة تدري شلون انا افلست منك وبصراحة انا يوعان اللحين .. ابي سمبوسة حق ميتين فلس , مية خضرة ومية جبن و وفطيرتين وحدة حلوم كامل والثانية سبانخ و شاني...
::: اى تؤمر زين اذا مالقيت شاني ايبلك ميراندا ؟
: هاا .. لا اذا ماحصلت شاني يب سفن مو مشكلة
::: تدري شلون والله لألــــعن ابــ لابو ابــ انا غلطان انى اطلعلك يالبدون , صج مو كفو ... ابي تيااارة ابي اتدد توازي ابي بيت .. صج عيال الفقر ماينعطون ويه . انا غلطان انى مضيع وقتى معاك ششششششششششششــــــــــ(اختفى الجني)